Мемлекеттік санитариялық-эпидемиологиялық бақылау мен қадағалаудың тиімділігін арттыру мақсатында Қазақстан Республикасында “Санитариялық-эпидемиологиялық қадағалау” ақпараттық жүйесі (“СЭН” АЖ) жұмыс істейді. Жүйе мемлекеттік қызметтерді автоматтандыруға, профилактикалық бақылауға және санитариялық-эпидемиологиялық бақылау органдары, кәсіпкерлік субъектілері мен мемлекеттік ұйымдар арасында ақпарат алмасуға арналған.
Цифрлық технологияларды пайдалану құжаттарды қарау мерзімдерін едәуір қысқартуға, қағаз құжат айналымын азайтуға және мемлекеттік органдармен өзара іс-қимылды неғұрлым ашық әрі ыңғайлы етуге мүмкіндік береді.
Ақпараттық жүйе мыналарға арналған:
* шағын, орта және ірі кәсіпкерлік субъектілері;
* мемлекеттік ұйымдар;
* эпидемиялық маңызы бар объектілер;
* Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің аумақтық бөлімшелері.
“Халық денсаулығы және денсаулық сақтау жүйесі туралы” Қазақстан Республикасы Кодексінің 36-бабына сәйкес эпидемиялық маңызы бар объектілер мемлекеттік санитариялық-эпидемиологиялық бақылауға және қадағалауға жатады және тиісті тізілімге енгізіледі.
Кәсіпкерлік субъектілері мен мемлекеттік ұйымдар “СЭН” АЖ арқылы:
* Мемлекеттік қызметтерді электрондық форматта алады;
* берілген құжаттардың қаралу мәртебесін қадағалайды;
* санитариялық-эпидемиологиялық қорытындылар алады;
* профилактикалық бақылау нәтижелерімен танысады;
* санитариялық-эпидемиологиялық бақылау органдарынан хабарлама алады;
* объект туралы мәліметтерді өзектендіреді;
* жеке бару қажеттілігінсіз аумақтық бөлімшелермен өзара іс-қимыл жасайды.
Электрондық формат санитариялық заңнама талаптарын орындауды едәуір жеңілдетеді және қажетті ақпаратты жедел алуға мүмкіндік береді.
Ақпараттық жүйені пайдалану:
* Мемлекеттік қызметтерді алу кезінде уақытты үнемдеуге;
* хабарламалар мен шешімдерді уақтылы алуға;
* объект туралы мәліметтердің дұрыстығын арттыруға;
* бақылау іс-шараларының ашықтығы мен айқындылығын қамтамасыз етуге;
* бизнес пен мемлекеттік ұйымдарға әкімшілік жүктемені азайтуға;
* санитариялық-эпидемиологиялық бақылау органдарымен өзара іс-қимыл сапасын арттыруға мүмкіндік береді.
Сонымен қатар, процестерді цифрландыру халықтың санитариялық-эпидемиологиялық салауаттылық деңгейін арттыруға және санитариялық-эпидемиологиялық тәуекелдер туындаған кезде жедел шешім қабылдауға ықпал етеді.
Тиімді жұмыс істеу үшін кәсіпкерлік субъектілеріне:
* объект туралы мәліметтерді уақтылы жаңартып отыру;
* ақпараттық жүйеде жеке кабинетті үнемі тексеріп отыру;
* Қазақстан Республикасының санитариялық заңнамасының талаптарын сақтау;
* санитариялық-эпидемиологиялық бақылау органдарының талаптары мен ұсынымдарын уақтылы орындау;
* санитариялық талаптардың сақталғанын растайтын құжаттарды сақтау ұсынылады.
Аталған іс-шараларды уақтылы орындау бұзушылықтарды болдырмауға мүмкіндік береді және профилактикалық бақылаудан сәтті өтуді қамтамасыз етеді.
Ақпараттық жүйенің жұмысы Қазақстан Республикасының заңнамасына сәйкес жүзеге асырылады, оның ішінде:
* Қазақстан Республикасының 2020 жылғы 7 шілдедегі № 360-VI “Халық денсаулығы және денсаулық сақтау жүйесі туралы” Кодексі:
* Қазақстан Республикасы Денсаулық сақтау министрінің 2020 жылғы 30 желтоқсандағы № ҚР ДСМ-336/2020 “Халықтың санитариялық-эпидемиологиялық саламаттылығы саласындағы мемлекеттік қызметтертерді көрсетудің кейбір мәселері туралы” бұйрығы:
* “Санитариялық-эпидемиологиялық қадағалау” ақпараттық жүйесі:
* Қазақстан Республикасының электрондық үкімет порталы:
Құрметті кәсіпкерлік субъектілері !
Санитариялық-эпидемиологиялық бақылау департаменті “Санитариялық-эпидемиологиялық қадағалау” ақпараттық жүйесінің мүмкіндіктерін белсенді пайдалануды ұсынады. Электрондық өзара іс-қимыл мемлекеттік қызметтерді тезірек алуға, заңнама талаптарын сақтауға және халықтың санитариялық-эпидемиологиялық саламаттылығы саласындағы міндеттерді уақтылы орындауға мүмкіндік береді.
Санитарлық-эпидемиологиялық бақылауды цифрландыру – бұл мемлекет пен бизнес үшін ыңғайлы, ашық және тиімді болып табылады.
Ақпарат көзі : https://www.gov.kz/memleket/entities/departament-kkbtu-atyrau/press/news/details/1264837?lang=ru
Жауап қалдыру