«Кеден органдары қолданатын тәуекелдерді басқару жүйесі» тақырыбындағы дөңгелек үстел

_____Еркін Д.Ш. отырысты ашып, қатысушыларды қарсы алып, күн тәртібін жариялады.

Өз сөзінде Қазақстан Республикасы «Кедендік реттеу туралы» Кодексінің 450-бабына сәйкес тәуекелдерді басқару жүйесі (бұдан әрі – ТБЖ) кеден органдары кедендік бақылау мақсаттарына қол жеткізу үшін жүзеге асыратын іс-шаралар кешені болып табылатынын атап өтті.

ТБЖ қолданудың негізгі мақсаттары:

_____– кедендік бақылаудың тиімділігін қамтамасыз ету;

_____– кеден заңнамасының бұзылуының алдын алу;

_____– кедендік төлемдер мен салықтардың толық төленуін қамтамасыз ету;

_____– ресурстарды тәуекелі жоғары жеткізілімдерге шоғырландыру.

_____Сонымен қатар, ТБЖ автоматтандырылған режимде жұмыс істейтіні атап өтілді. Тауарларға арналған декларация тіркелгеннен кейін ақпараттық жүйе тауар туралы мәліметтерді, оның ішінде ТН ВЭД кодын, шығарылған елін, кедендік құнын және өзге де мәліметтерді талдайды.

_____Талдау нәтижелері бойынша тәуекел деңгейі айқындалып, соның негізінде тәуекелдерді азайту шаралары автоматты түрде қолданылады. Тәуекел деңгейіне қарай құжаттарды тексеру, кедендік құнды бақылау, тауарларды кедендік тексеріп қарау және заңнамада көзделген өзге де кедендік бақылау нысандары қолданылуы мүмкін.

_____Тәуекелдер анықталмаған жағдайда, тауарларды шығару қосымша кедендік бақылау нысандарын қолданусыз жүзеге асырылады.

_____Қорытындылай келе, ТБЖ қолдану кедендік бақылаудың тиімділігін арттыруға, адал сыртқы экономикалық қызметке қатысушылар үшін қолайлы жағдай жасауға, сондай-ақ кедендік төлемдер мен салықтардың толық төленуін қамтамасыз етуге мүмкіндік беретіні атап өтілді.

Ақпарат көзі : https://www.gov.kz/memleket/entities/kgd-gdu/press/news/details/1270729?lang=ru