Жарқайың ауданында елді мекендерді абаттандыру бағытындағы жүйелі жұмыстар жалғасуда. Бұл ретте көшелерді жарықтандыру жүйесін жаңғырту мен қалалық инфрақұрылымды дамытуға ерекше көңіл бөлінуде. Бұл жұмыстар тұрғындардың қауіпсіздігін арттырып, жайлы өмір сүру ортасын қалыптастыруға ықпал етеді.
Державинск қаласында облыстық маңызы бар Державинск – Қима автомобиль жолы бағытындағы қала кіреберісінде автономды көше жарықтандыру жүйесі пайдалануға берілді. Жоба аясында күн панельдерімен жабдықталған 42 металл тірек орнатылып, аталған учаскені сапалы жарықтандыру қамтамасыз етілді.
Сонымен қатар, Державин қаласының Ишимская көшесінде көше жарығын орнату жұмыстары жүргізілуде. Жобаның жалпы құны – 7,8 млн теңге. Құрылыс-монтаж жұмыстары ағымдағы айдың соңына дейін аяқталады деп жоспарлануда.
Абаттандыру жұмыстары ауданның ауылдық елді мекендерінде де қарқынды жүзеге асырылуда. Жергілікті бюджет қаражаты есебінен Тассуат, Гастелло, Пятигор, Львовс, Бірсуат, Достық, Зерноград, Далабай, Пригородное, Отрадное және Шойындыкөл ауылдарында көше жарығы орнатылды.
Аудан орталығының сәулеттік келбетін жаңарту жұмыстары да жалғасуда. Қазіргі уақытта көпқабатты тұрғын үйлердің қасбеттерін сырлау жұмыстары жүргізілуде. Жұмыстарды ағымдағы жылдың қыркүйек айының соңына дейін аяқтау жоспарланған.
Ақпарат көзі : https://www.gov.kz/memleket/entities/aqmola/press/news/details/1270728?lang=ru
Жауап қалдыру