Қазақстанда ББҚ, сыра және сыра сусындарын міндетті таңбалау енгізіледі.

📢 Қазақстанда ББҚ, сыра және сыра сусындарын міндетті таңбалау енгізіледі.

2026 жылғы 1 қыркүйектен бастап Қазақстанда жекелеген тауарлардың айналымына қойылатын жаңа талаптар енгізіледі.

ҚР Сауда және интеграция министрлігінің №199 бұйрығына сәйкес міндетті таңбалауға:

💊 биологиялық белсенді қоспалар (ББҚ) — витаминді-минералды кешендер, шәрбаттар, өсімдік сығындылары, концентраттар және арнайы тағам өнімдері;

🍺 бөтелкедегі сыра және сыра сусындары жатады.

Талаптар 2026 жылғы 1 қыркүйектен бастап Қазақстанда өндірілген немесе елге әкелінген өнімдерге қолданылады.

🔐 Арнайы цифрлық код тауардың өндірушіден немесе шекарадан бастап соңғы тұтынушыға дейінгі қозғалысын бақылауға мүмкіндік береді. Бұл контрафактілік өнімдерден қорғауға және адал кәсіпкерлер үшін бәсекелестік ортаны қамтамасыз етуге ықпал етеді.

📌 Импорттаушыларға, өндірушілерге және бөлшек сауда желілеріне жаңа талаптарға алдын ала дайындалу ұсынылады.

Техникалық процестерді уақытылы реттеу тауарларды өткізу кезінде кідірістерге жол бермеуге және жұмыстың үздіксіз жүргізілуін қамтамасыз етуге мүмкіндік береді.

Ақпарат көзі : https://www.gov.kz/memleket/entities/kgd-karaganda/press/news/details/1275700?lang=ru