Бүгін «Dariya» мүгедектігі бар адамдардың әлеуметтік даму орталығында Ақтөбе облысының параспортшыларымен мүгедектігі бар спортшылар арасындағы жеңіл атлетикадан республикалық чемпионаттың қорытындысына арналған кездесу өтті.
Жарыс Алматы қаласында 14-21 тамыз аралығында ұйымдастырылды. Республикалық додаға Ақтөбе облысының құрамасы сапында тірек-қимыл аппараты бұзылған 10 спортшы және көру қабілеті бұзылған 6 спортшы қатысты.
Өңір намысын қорғаған спортшылар жарыста жоғары нәтиже көрсетіп, жүлделі орындарға ие болды.
Тірек-қимыл аппараты бұзылған спортшылар 6 алтын, 7 күміс және 7 қола медаль жеңіп алды.
Көру қабілеті бұзылған спортшылардың еншісінде 5 алтын, 7 күміс және 1 қола медаль бар.
Бұл нәтижелер спортшылардың қажырлы еңбегі, жоғары дайындық деңгейі мен жеңіске деген жігерінің нәтижесі. Олардың жетістігі – параспортты дамыту бағытындағы жүйелі жұмыстың маңызды көрсеткіші.
Ақтөбе облысының параспортшыларына алдағы жарыстарда сәттілік, зор денсаулық, биік белестер мен жаңа жеңістер тілейміз!
Ақпарат көзі : https://www.gov.kz/memleket/entities/aktobe-social/press/news/details/1279839?lang=ru
Жауап қалдыру