Қазақстан Республикасы Еңбек және халықты әлеуметтік қорғау министрлігінің Халықты әлеуметтік қорғау саласындағы реттеу және бақылау комитеті «Еңбек ресурстарын дамыту орталығы» АҚ-мен бірлесіп, 2026 жылғы 29 қаңтарда аумақтық департаменттер көрсететін қызметтерді, оның ішінде тағайындау, қайта қарау, тоқтата тұру және тоқтатуға қатысты бизнес-процестерді оңтайландыру жөніндегі Жол картасын (бұдан әрі – Жол картасы) бекітті.
Жол картасына сәйкес:
– ақпан айында «360 Зейнетақы төлемдерін тексеру» есептер тобының құрамында қосымша есеп әзірленіп, өтініштерді қолмен өңдеуді болдырмау және зейнетақылар мен жәрдемақыларды автоматты түрде тоқтатуға көшу бөлігінде функционал өзгертілді;
– наурыз айында өтініштерді қолмен өңдеуді болдырмау және мүгедектік бойынша мемлекеттік әлеуметтік жәрдемақыны (жалпы ауру, өндірістік жарақат, 18 жасқа дейінгі мүгедектігі бар балалар, мүгедектігі бар адамдар) қайта есептеудің автоматты процесіне, оның ішінде төлемге жіберуге көшу бөлігінде функционал өзгертілді;
– сәуір айында мүгедектігі бар баланы (мүгедектігі бар балаларды) тәрбиелеп отырған анаға немесе әкеге, асырап алушыға, қорғаншыға (қамқоршыға) және бірінші топтағы мүгедектігі бар адамға күтім жасайтын адамдарға берілетін жәрдемақыны қайта есептеу бойынша өтініштерді қолмен өңдеуді болдырмау және автоматты процеске, оның ішінде төлемге жіберуге көшу бөлігінде функционал өзгертілді;
– сәуір айында асырауындағы адамдар санының өзгеруіне, олардың бірінің 18 жасқа толуына байланысты асыраушысынан айырылу жағдайы бойынша мемлекеттік әлеуметтік жәрдемақыны қайта есептеу бөлігінде өтініштерді қолмен өңдеуді болдырмау және автоматты процеске, оның ішінде төлемге жіберуге көшу бөлігінде функционал өзгертілді;
– мамыр айында Бірыңғай жинақтаушы зейнетақы қорына міндетті зейнетақы жарналарын субсидиялауды тағайындау және тоқтата тұру бойынша өтініштерді қолмен өңдеуді болдырмау және автоматты процеске, оның ішінде тағайындалған төлемдерге жіберуге көшу бөлігінде функционал өзгертілді;
– маусым айында мүгедектік бойынша мемлекеттік әлеуметтік жәрдемақыны (жаңа тағайындау) өтініштерді қолмен өңдеуді болдырмау және автоматты түрде тағайындауға, оның ішінде төлемге жіберуге көшу бөлігінде функционал өзгертілді;
– шілде айында мүгедектігі бар баланы (мүгедектігі бар балаларды) тәрбиелеп отырған анаға немесе әкеге, асырап алушыға, қорғаншыға (қамқоршыға) және бірінші топтағы мүгедектігі бар адамға күтім жасайтын адамдарға берілетін жәрдемақыны өтініштерді қолмен өңдеуді болдырмау және автоматты түрде тағайындауға көшу бөлігінде функционал өзгертілді;
– шілде айында баланың тууына және бала бір жасқа толғанға дейін оның күтіміне байланысты республикалық бюджеттен төленетін жәрдемақыларды тағайындау бойынша өтініштерді қолмен өңдеуді болдырмау және автоматты түрде тағайындауға көшу бөлігінде функционал өзгертілді.
Тамыз айында функционалды мынадай бағыттар бойынша өзгерту жоспарланған:
– нақты енгізілген міндетті зейнетақы жарналары, міндетті кәсіптік зейнетақы жарналары сомасы мен зейнетақы жинақтары сомасы арасындағы айырманы инфляция деңгейін ескере отырып төлеуді (мемлекеттік кепілдік төлемі) тағайындау кезінде өтініштерді қолмен өңдеуді болдырмау және автоматты түрде тағайындауға көшу;
– 4 көзден арнайы әлеуметтік төлемдерді (зейнеткерлік алдындағы аннуитет шарты бар тұлғаларға) тағайындау кезінде өтініштерді қолмен өңдеуді болдырмау және автоматты түрде тағайындауға көшу.
Осылайша, 2026 жылдың 7 айында автоматты түрде 37 137 төлем тағайындалды (жаңадан тағайындалған төлемдердің жалпы саны – 728 968), 55 374 төлем қайта қаралды (қайта есептеу, қайта бастау бойынша қайта қаралған төлемдердің жалпы саны – 585 001), тоқтата тұру/тоқтату – 38 551 (жалпы саны – 214 423).
Аталған функционалды енгізу қажеттілігі қазіргі уақытта Мемлекеттік корпорация қалыптастыратын істердің электрондық макеттерін өңдеу мамандардың қатысуымен қолмен жүзеге асырылуына байланысты.
Көрсетілген операцияларды орындау айтарлықтай еңбек шығынын талап етеді және бірнеше сағаттан бірнеше күнге дейін уақыт алады. Бұл ретте жәрдемақыларды (төлемдерді) тағайындауға немесе қайта есептеуге қажетті мәліметтер ақпараттық жүйелерде бұрыннан бар және оларды мамандардың қатысуынсыз автоматты режимде алуға болады.
Жәрдемақыларды немесе төлемдерді тағайындау не қайта есептеу процесін автоматтандыру электрондық іс макеттеріндегі деректерді қолмен өңдеуді болдырмауға, техникалық қателер мен адами фактор тәуекелдерін барынша азайтуға, сондай-ақ өңдеу процесіне мамандардың араласу қажеттілігін жою арқылы сыбайлас жемқорлық тәуекелдерін төмендетуге мүмкіндік береді.
Ақпарат көзі : https://www.gov.kz/memleket/entities/lspm/press/news/details/1281439?lang=ru
Жауап қалдыру