Құрметті ұстаздар, ата-аналар және оқушылар!
Сіздерді 1 қыркүйек – Білім күнімен және жаңа оқу жылының басталуымен құттықтаймын!
Білім – ел дамуының берік негізі, ал ұстаз – сол білімнің шамын жағып, жас ұрпақтың болашағына жол ашатын ардақты тұлға. Ұстаз еңбегі – үлкен жауапкершілікті, терең білім мен зор табандылықты талап ететін қастерлі мамандық.
Бүгінде елімізде білім беру саласын дамытуға, мектептердің материалдық-техникалық базасын нығайтуға және балаларға сапалы білім алуға қолайлы жағдай жасап, адами капиталды дамытуға ерекше көңіл бөлінуде. Бұл бағыттағы жұмыстар жас ұрпақтың сапалы білім алып, заман талабына сай бәсекеге қабілетті азамат болып қалыптасуына мүмкіндік береді.
Жаңа оқу жылы білім алушылар үшін жаңа жетістіктер мен жарқын бастамалардың жылы болсын! Ұстаздарға шығармашылық табыс, шәкірттерін биік белестерін көруді, ата-аналарға отбасылық амандық пен қуаныш тілеймін.
Білім күні құтты болсын! Жаңа оқу жылы жемісті әрі табысты болсын!
Құрметпен,
Қызылорда қалалық мәслихатының төрағасы
Ибадулла Құттықожаев
Ақпарат көзі : https://www.gov.kz/memleket/entities/maslihat-orda/press/news/details/1282913?lang=ru
Жауап қалдыру