Бүгінде Түрксіб ауданында арық желілерін жөндеу жұмыстары жүргізілді.
Жұмыстар Жас Қанат және Қайрат шағын аудандарында, сондай-ақ Папанин, Майлин және Бурундайская көшелерінде жүргізілді. Аталған аумақтардағы арықтардың жекелеген учаскелері тозып, қалпына келтіруді қажет еткен.
Жұмыс барысында ескі арықтар бөлшектеліп, олардың ішкі бөліктері толығымен тазартылды. Сонымен қатар асфальттың астында орналасқан арық желілері де қалпына келтірілді.
Жүргізілген жұмыстардың нәтижесінде арық желісінің 3 650 метр бөлігі жөнделді. Жаңбыр суларын қабылдау үшін жаңбыр суын қабылдайтын құдық қақпақтары орнатылды.
Жүргізілген жұмыстар аудандағы су бұру жүйесін жақсартып, жауын-шашын кезінде судың жиналып қалуының алдын алуға мүмкіндік береді.
Ақпарат көзі : https://www.gov.kz/memleket/entities/almaty-turksib/press/news/details/1283024?lang=ru
Жауап қалдыру