Турист үшін жаңа қаламен танысу тек көрікті жерлерді аралаудан басталмайды. Күнделікті тұрмыста да түрлі сұрақтар туындауы мүмкін. Қайда баруға болады, қажетті жерге қалай жетуге болады немесе керекті қызметті қайдан алуға болады деген мәселелерде Астана қаласының туристік полиция қызметкерлері әрдайым көмек көрсетуге дайын.
1 қыркүйек күні Мәскеуден келген турист елорданың көрікті жерлерін аралап, сондай-ақ SIM-карта сатып алатын жерді іздеген.
Туристік полиция қызметкерлері оған Астананың танымал көрікті жерлері туралы ақпарат беріп, SIM-картаны қай жерден сатып алуға болатынын көрсетіп, қажетті көмек көрсетті.
Туристерге көмек көрсету бөлімше жұмысының негізгі бағыттарының бірі. Қызметкерлер елорда қонақтарының қауіпсіздігін қамтамасыз етіп қана қоймай, олардың қалада еркін бағдарлануына көмектеседі, қажетті ақпарат береді және туындаған мәселелерді шешуге жәрдемдеседі.
Көрсетілген көмекке шын жүректен ризашылығын білдірген турист полиция қызметкерлеріне алғысын айтып, бейнеүндеу жазып қалдырды.
Мұндай жағдайлар елордада жайлы әрі қауіпсіз орта қалыптастыруда тәртіп пен қауіпсіздікпен қатар, әрбір қала қонағына деген қарапайым адами ықыластың да маңызды екенін көрсетеді.
Ақпарат көзі : https://www.gov.kz/memleket/entities/mvd-astana/press/news/details/1284375?lang=ru
Жауап қалдыру