2026 жылғы 31 тамыз бен 6 қыркүйек аралығында Қырғыз Республикасында дәстүрлі спорт түрлерінің байлығы мен өзіндік ерекшелігін дәріптеп, әлемнің әр түкпірінен келген спортшыларды біріктіретін ауқымды халықаралық спорттық іс-шара — VI Дүниежүзілік көшпенділер ойындары өтуде.
Глубокое ауданы үшін ерекше мақтанышқа айналған жеңіс — Шығыс Қазақстан облысы Глубокое кентінің тұрғыны, жерлесіміз Қабдоллаева Аяш Советбекқызының дәстүрлі садақ атудан Қазақстан Республикасының намысын абыроймен қорғап, алтын медаль иеленуі.
60 метр қашықтықтағы жарыста Аяш жоғары шеберлігін, дәлдігі мен сабырлылығын көрсетіп, үздік нәтиже көрсетті және алтын медальді жеңіп алды.
Әйелдер арасындағы садақ атудан жарыс қорытындысы бойынша жүлделі орындар төмендегідей бөлінді:
🥇 1-орын — Қазақстан
🥈 2-орын — Қырғызстан
🥉 3-орын — Ресей.
Аяштың осы спорт түрінен бақ сынаған 51 елдің спортшылары арасынан жеңімпаз атануының маңызы ерекше.
Бұл жеңіс — спортшының жеке жетістігі ғана емес, сонымен қатар Глубокое ауданы, Шығыс Қазақстан облысы және бүкіл Қазақстан үшін үлкен мақтаныш. Ол қазақстандық спортшылардың жоғары деңгейдегі дайындығын айқын көрсетіп, ұлттық спорт түрлерін дамытуға және кеңінен насихаттауға қосылған зор үлес болды.
Әрбір спорттық жетістіктің артында спортшының ғана емес, оның жаттықтырушыларының да орасан зор еңбегі жатыр. Чемпионды дайындауға қосқан кәсіби үлесі, шыдамдылығы, еңбегі мен қажыр-қайраты үшін жаттықтырушылар Төлеуқанова Ажар Рахметқызына және Қабдоллаев Бақытбек Төлеуқанұлына ерекше алғысымызды білдіреміз.
Аяш Советбекқызын VI Дүниежүзілік көшпенділер ойындарындағы тамаша жеңісімен шын жүректен құттықтаймыз! Мықты денсаулық, жаңа спорттық жетістіктер және халықаралық аренада әлі талай жарқын жеңістер тілейміз!
Глубокое ауданы Сіздей жерлесімізбен мақтанады!
Ақпарат көзі : https://www.gov.kz/memleket/entities/vko-glubokoe/press/news/details/1285925?lang=ru
Жауап қалдыру