Сіздерді қарттар күнімен шын жүректен құттықтауымды қабыл алыңыздар!
Заман өзгеріп, қалалар түрленіп, жаңа белестер мен мүмкіндіктер ашылуда, қоғам алдында жаңа міндеттер тұр. Алайда ғасырдан ғасырға жалғасып келе жатқан асыл құндылықтарымыз – үлкенді құрметтеу, отбасына деген махаббат, адал еңбек және туған жердің ертеңі үшін жауапкершілік мәңгі өзгеріссіз қалады.
2026 жыл еліміз үшін тарихи, елеулі жыл болды. Қазақстан Республикасының жаңа Конституциясының қабылдануы мемлекет тарихында жаңа кезеңге жол ашты. Ата Заңымыз ел өмірінің түбегейлі қағидаттарын, азаматтардың құқықтары мен міндеттерін, сондай-ақ Қазақстанның одан әрі өркендеуінің берік құқықтық негізін айқындап берді.
Мемлекеттің де, әрбір өңірдің де дамуы – ондаған жылдар бойы тынымсыз еңбек етіп, оның іргетасын қалаған жандардың еселі еңбегінің жемісі. Жітіқара ауданы өзінің өнеркәсібін, әлеуметтік саласын және қоғамдық өмірін қалыптастырған еңбеккер ұрпақтардың есімін әрдайым ардақ тұтады.
Қымбатты жерлестер! Сіздер – өткен мен ертеңді жалғаған берекелі буынсыздар. Сіздердің терең білімдеріңіз бен өмірлік тәжірибелеріңіз жас ұрпаққа бағыт-бағдар береді, ал отбасылық құндылықтар ұрпақтар сабақтастығын нығайтады.
Әр күндеріңіз қуаныш пен шаттыққа толы болып, көңілдеріңіз әрдайым жайдары болсын. Отбасыларыңызда береке-бірлік орнап, балаларыңыз бен немерелеріңіздің амандығы мен табыстарын көріп, махаббат пен қамқорлыққа бөлене беріңіздер.
Сіздерге зор денсаулық, ұзақ ғұмыр, бақ-береке тілеймін!
Жітіқара ауданының
әкімі А. Жаныспаев
Ақпарат көзі : https://www.gov.kz/memleket/entities/kostanai-zhitikarin-audany-akimat/press/news/details/1302557?lang=ru
Жауап қалдыру