6 ақпан күні аудан әкімі Рүстем Мұқашұлы Елубаев халықпен кезекті кездесулер аясында Ленинград ауылдық округіне қарасты Қызылту және Ленинград ауылдарына жұмыс сапарымен барды. Кездесу ашық диалог форматында өтіп, тұрғындарға өздерін толғандырған мәселелерді тікелей қоюға және нақты жауап алуға мүмкіндік берілді.
Кездесу барысында аудан әкімі өткен жылдың әлеуметтік-экономикалық даму қорытындыларын баяндады. Ауданда негізгі көрсеткіштер бойынша оң динамика сақталғаны атап өтілді. Тұрғын үй-коммуналдық шаруашылық саласында бірқатар жобалар жүзеге асырылып, автомобиль жолдарын жөндеу және күтіп-ұстау, әлеуметтік инфрақұрылым нысандарын жаңғырту жұмыстары жүргізілді. Елді мекендерді абаттандыруға, ауыл шаруашылығын дамытуға және кәсіпкерлікті қолдауға ерекше назар аударылды.
Сөз барысында ағымдағы жылға арналған жоспарлар да таныстырылды. Басым бағыттар қатарында инженерлік инфрақұрылымды одан әрі дамыту, елді мекенішілік жолдарды жөндеу, инвестициялық жобаларды іске асыру, жаңа жұмыс орындарын ашу мәселелері бар. Сонымен қатар қоғамдық кеңістіктерді абаттандыру және ауылдық округтердегі әлеуметтік тұрақтылықты нығайту бойынша жұмыстар жоспарланған.
Есеп беру бөлімінен кейін кездесу «сұрақ-жауап» форматында жалғасты. Тұрғындар жолдардың жай-күйі, сумен қамту, жер қатынастары, әлеуметтік нысандардың жұмысы және ауыл шаруашылығы тауар өндірушілерін қолдау мәселелерін көтерді. Бірқатар сұрақтарға сол жерде нақты жауаптар беріліп, жекелеген мәселелер бойынша тиісті сала қызметтеріне тапсырмалар жүктеліп, орындалуы бақылауға алынатыны айтылды.
Мұндай кездесулер билік пен халық арасындағы сенімді нығайтып, өзекті мәселелерді дер кезінде анықтауға және тиімді шешімдер қабылдауға мүмкіндік береді. Ашықтық пен сындарлы диалог аудан әкімдігі жұмысының басты қағидаттарының бірі болып қала береді.
Ақпарат көзі : https://www.gov.kz/memleket/entities/sko-akzhar/press/news/details/1177164?lang=kk
Жауап қалдыру