Мемлекеттік еңбек инспекциясы комитетінің Атырау облысы бойынша департаменті басшысының орынбасары К. Иманғалиевтың халықтың құқықтық сауаттылығын арттыру мақсатында жүкті әйелдерге, балалары бар жұмыскерлерге, сондай-ақ бала күтімі жөніндегі демалыста жүрген адамдарға Қазақстан Республикасының заңнамасында көзделген негізгі еңбек кепілдіктерін сұрақ-жауап ретінде түсіндіреді.
Бала күтімі демалысындағы қызметкерлердің құқықтары
❓Бала күтімі демалысындағы қызметкерлерге қандай әлеуметтік кепілдіктер беріледі?
Аналықты, әкелікті және балалық шақты қорғау – мемлекеттік әлеуметтік саясаттың басым бағыттарының бірі.
Бала үш жасқа толғанға дейін оны күтуге байланысты демалыс рәсім деген ата-аналарға (анасына, әкесіне, асырапалушыға) жұмыс орнының (лауазымының) сақталуына кепілдік беріледі.
Мұндай демалыс кезеңі еңбек өтіліне есептеледі. Сонымен қатар бала бір жарым жасқа толғанға дейін оны күтуге байланысты әлеуметтік төлемдер қарастырылған.
❓3 жасқа дейінгі бала күтімі демалысын кім рәсімдей алады?
Тек анасы ғана емес. Мұндай демалысты әкесі, жалғыз басты ата-ана, балаға нақты күтім жасайтын жақын туысы немесе асырап алушы рәсімдей алады.
❓Жүктілікке және босануға байланысты қандай демалыс беріледі?
Әйелдің жүктілікке және босануға байланысты ақылы демалыс алуға құқығы бар:
- босануға дейін – 70 күн;
- босанғаннан кейін – 56 күн;
- босану асқынған жағдайда немесе екі және одан да көп бала туған кезде – босанғаннан кейін 70 күн.
❓Егер жұмыс жүкті әйелдің денсаулығына зиянды болса не істеу керек?
Медициналық қорытынды негізінде жұмыс беруші қызметкерді орташа жалақысын сақтай отырып, жеңіл әрі қауіпсіз жұмысқа ауыстыруға міндетті.
❓Жүкті әйелдің мерзімді еңбек шарты ұзартылама?
Иә. Медициналық анықтама мен өтініш ұсынылған жағдайда жұмыс беруші еңбек шартын бала күтімі демалысы аяқталғанға дейін ұзартуға міндетті.
❓Жүкті әйелді түнгі ауысымға немесе үстеме жұмысқа тартуға бола ма?
Жоқ. Жүкті әйелдер түнгі, үстеме жұмыстарға, сондай-ақ демалыс және мереке күндеріндегі жұмыстарға жіберілмейді.
❓Бала күтімідемалысыкезіндежұмысорнысақталама?
Иә. Қызметкердің лауазымы мен жұмысорны демалыстың бүкіл кезеңінде сақталады.
❓Бала күтімідемалысы аяқталмай тұрып жұмысқа шығуға бола ма?
Иә. Ол үшін қызметкер жұмыс берушіні кемінде бір ай бұрын хабардар етуі қажет.
❓Баланы тамақтандыруға арналған үзілістер қарастырылған ба?
Иә. Біржарым жасқа дейінгі балалары бар қызметкерлерге баланы тамақтандыру үшін қосымша ақылы үзілістер беріледі.
❓Ең жиікездесетінқұқықбұзушылықтарқандай?
Ең көп таралған құқық бұзушылықтар:
- жүктілікке байланысты жұмысқа қабылдаудан бас тарту;
- жұмыстан шығуға мәжбүрлеу;
- заңсыз қысқарту;
- бала күтімі демалысын беруден бас тарту;
- толық емес жұмыс уақытын белгілеуден бас тарту;
- бала күтімі демалысынан кейін қызметкерді жұмысқа қайта қабылдаудан бас тарту.
❓Еңбекқұқықтарыбұзылғанжағдайдақайдажүгінукерек?
Жұмыс беруші орналасқан жердегі мемлекеттік еңбек инспекциясының аумақтық департаментіне жүгіну қажет.
Маңызды: Заң жүкті әйелдердің, ата-аналардың және балаларға күтім жасайтын адамдардың құқықтарын қорғайды. Жұмыс беруші еңбек заңнамасында көзделген кепілдіктерді сақтауға міндетті.
https://www.facebook.com/share/v/1GvrVDw5QE/
https://www.instagram.com/reel/DaDM8H2B0KY/?utm_source=ig_web_copy_link&igsh=MzRlODBiNWFlZA==
Ақпарат көзі : https://www.gov.kz/memleket/entities/atyrau-inspekciya/press/news/details/1248985?lang=ru
Жауап қалдыру